21 dekabr 2021-ci il tarixdə Ağcabədi Regional Mədəniyyət İdarəsi Ağdam rayon Mədəniyyət Mərkəzinin tabeliyində fəaliyyət göstərən Qaradağlı kənd Mədəniyyət evi, Ağdam rayon MKS-nin  5saylı Qaradağlı kənd kitabxanasının əməkdaşlarının, Qaradağlı kənd tam orta məktəbinin  ədəbiyyat müəllimələri Şəfəq Məmmədova, Nigar Zeynalova və şagirdlərinin birgə təşkilatçılığı ilə  Azərbaycanın görkəmli şairi, filosofu  Nizami Gəncəvinin 880 illik yubileyinə həsr olunmuş “Nizami Gəncəvi Lirikası” adlı tədbir keçirilmişdir. Tədbir Qaradağlı kənd Mədəniyyət evində baş tutmuşdur. Tədbiri giriş sözü ilə Qaradağlı kənd Mədəniyyət evinin müdiri Zənurə Mirzəyeva açaraq,  torpaqlarımızın azadlığı uğrunda canlarından keçmiş  qəhrəman şəhidlərimizin xatirəsini bir dəqiqəlik sükutla yad etməyi təklif  etdi. Tədbirin mövzusu ilə bağlı giriş sözü söyləyən Zənurə Mirzəyeva,  dünya ədəbiyyatının  görkəmli nümayəndəsi, dahi  Azərbaycan şairi,  dahi şəxsiyyət  Nizami Gəncəvinin  yaradıcılığından danışdı, dünya  ölkələrinin mədəni irsi siyahısında Nizami Gəncəvinin əsərlərinin xüsusi yer tutduğunu vurğuladı. Sonra  söz, tədbirdə iştirak edən 5saylı  M KS-inin  kitabxana müdiri İradə Qasımovaya verildi. İradə Qasımova tədbir iştirakçılarını  salamlayaraq, dahi Nizami Gəncəvinin yaradıcılığı haqda məlumat verdi. Qaradağlı kənd tam orta məktəbinin ədəbiyyat müəlliməsi Şəfəq Məmmədova,  öz çıxışına Nizami Gəncəvinin qəzəlləri ilə başladı. Şəfəq müəllimə tədbir iştirakçılarına  Nizami Gəncəvi haqqında geniş məlumat verdi. Məktəbin müəlliməsi Nigar Zeynalova çıxışında şair, filosof Nizami Gəncəvi  haqqında  öz ürək sözlərini bildirdi. Tədbirin sonunda  məktəbin şagirdlərinin ifasında  Nizami Gəncəvi qəzəlləri söylənildi.