23 Fevral 2022-ci il tarixdə Ağcabədi  Regional  Mədəniyyət  İdarəsi Ağdam rayon Heydər Əliyev Mərkəzinin, Ağdam  rayon  Mədəniyyət  Mərkəzinin tabeliyində fəaliyyət göstərən Üçoğlan kənd Mədəniyyət evinin, MKS-nin 6 № Səfərli kənd kitabxanasının birgə təşkilatçılığı ilə Xocalı soyqrımının 30-cu il dönümünə həsr edilmiş “Xocalı fəriyadı”adlı anım tədbiri keçirilib. Öncə Xocalı qurbanlarının və ölkəmizin ərazisinin bütövlüyü uğrunda həlak olmuş şəhidlərimizin əziz xatirəsi bir dəqiqəlik sükutla yad edildi. Ağdam rayon Heydər Əliyev Mərkəzinin əməkdaşları Elçin Cəfərov Yunis İbrahimov və Aybəniz Cəfərova, Üçoğlan kənd mədəniyyət evinin müdiri Sevda Cəfərova, MKS-nin 6 № Səfərli kənd kitabxanasının müdiri Səyad Hətəmova, MKS-nin Ballar kənd kitabxanasının müdiri Ayşən Ağayeva, Üçoğlan kənd Mədəniyyət evinin metodisti Nərgiz Əhmədova, Ağdam rayon Heydər Əliyev Mərkəzində fəaliyyət göstərən elektron kitabxananın əməkdaşı Gülnar Həsənova çıxış edərək Xocalı faciəsi haqqında öz fikirlərini söylədilər. Tədbirin sonunda vətən müharibəsinin iştirakçısı Əlimədətli kənd klubunun mədəni-təşkilatçısı Saleh Əsgərov vətən müharibəsində əldə etdiyimiz qalibiyətdən və Xocalı faciəsinin qisasının ordumuz tərəfdən alınmasından danışdı.