Layihə çərçivəsində ilk olaraq Ağcabədi Regional Mədəniyyət İdarəsinin təşkilatçılığı ilə Üzeyir Hacıbəylı adına Ağcabədi şəhər Uşaq İncəsənət Məktəbində layihənin rəqs üzrə seçim mərhələsi keçirilmişdir. Layihə çərçivəsində rəqs, rəsm və ifaçılıq üzrə 3 seçim mərhələsi keçiriləcək və 1,2,3-cü yerlər üzrə seçilən qaliblər layihənin yekunu olaraq  keçiriləcək "Vətən bağı al-əlvandır" adlı Yaradıcılıq Festivalında mükafatlandırılacaq.Seçim mərhələsi zamanı münsiflər heyəti tərəfindən Üzeyir Hacıbəyli adına Ağcabədi şəhər Uşaq İncəsənət Məktəbinin “Qarabağ” rəqs qrupunun tələbəsi Səkinə Əliyeva "Küçələrə su səpmişəm" rəqsi ilə 1-ci yerin qalibi, Ağcabədi rayon Heydər Əliyev Mərkəzinin rəqs dərnəyinin "Lalələr” rəqs qrupu "Nazlı gülüm" rəqsi ilə 2-ci yerin qalibi, Ağcabədi rayon Hacıbədəlli kənd Uşaq Musiqi məktəbinin “Bayatı-folklor” qrupu “Yallı” rəqsi ilə 3-cü yerin qalibi seçilib.