27 aprel 2023-cü il tarixində Ağcabədi Regional Mədəniyyət İdarəsi Ağdam rayon Mədəniyyət Mərkəzinin tabeliyində fəaliyyət göstərən Şıxbabalı kənd klubunun və Qiyaslı kənd Uşaq Musiqi Məktəbinin birgə təşkilatçılığı ilə görkəmli akademik, oftalmoloq-alim Zərifə xanım Əliyevanın 100 illik yubileyinə həsr olunmuş "Oftalmologiyanın mirvarisi"adlı  tədbir-konsert təşkil olunub. Tədbirdə Birinci Baharlı qəsəbə ərazi nümayəndəliyinin, Baharlı 2 qəsəbə ərazi nümayəndəliyinin əməkdaşları, Şıxbabalı kənd klubunun kollektivi, Yusifcanlı kənd kitabxanasının əməkdaşları, qəsəbə tam orta məktəbinin müəllim və şagirdləri, uşaq musiqi məktəbinin kollektivi, qəsəbənin tibb işçiləri və Mənzil İstismar İdarəsinin kollektivi iştirak ediblər. 
Əvvəlcə Ulu Öndər Heydər Əliyevin, Zərifə xanım Əliyevanın və ölkəmizin ərazi bütövlüyü uğrunda həlak olmuş şəhidlərimizin əziz xatirələri bir dəqiqəlik sükutla yad edilib, Azərbaycan Respublikasının Dövlət himni səsləndirilib.
Sonra Şıxbabalı kənd klubunun təşkilatçısı və tədbirin aparıcısı Aynurə Əlizadə çıxış edərək, tədbir iştirakçılarına Zərifə xanım Əliyevanın həyatı, onun Azərbaycan və Dünya tibbindəki  rolu haqqında ətraflı məlumat verib.
Daha sonra tədbir konsert proqramı ilə davam etdirilib. Tədbirin musiqili hissəsində bir çox mahnılar ifa olunub, orta məktəbin şagirdləri tərəfindən Ulu Öndər Heydər Əliyevə və Zərifə xanım Əliyevaya həsr olunmuş şeirlər səsləndirilib.