Azərbaycan Respublikası Mədəniyyət Nazirliyi

Bərdə Regional Mədəniyyət İdarəsi

Xəbərlər
Xəbərlər
|

Bərdədə yaradıcı insanlarla görüş keçirilmişdir

22.06.2022

Bərdə Regional Mədəniyyət İdarəsinin təşkilatçılığı ilə Bərdə rayon Heydər Əliyev adına Park Bulvar Kompleksində yaradıcı gənclərin yerli şairlərlə görüşü baş tutmuşdur.

Görüşdə Bərdə Regional Mədəniyyət İdarəsinin rəisi Vəsilə Möhsümova, mədəniyyət işçiləri, Gənclər və İdman İdarəsinin əməkdaşları, Gənclərin İnkişaf və Karyera Mərkəzinin, Bərdə Regional ASAN Xidmət Mərkəzinin könüllüləri, müxtəlif sahələrdə çalışan yaradıcı gənclər iştirak etmişdir.

Bərdəli şairlər Nadir Qədimli, Nofəl Sadiq, Bəxtiyar Akifoğlu, Aqşin Hacızadə ilə oxucular arasında diskussiya aparılmışdır.

Tədbirdə çıxış edən regional idarənin rəisi Vəsilə Möhsümova qeyd edib ki, belə görüşlər gənclərin bədii ədəbiyyata marağının artırılmasına, şairlərlə oxucuların ünsiyyətinin daha da sıxlaşmasına xidmət edir.

Daha sonra şairlər tədbir iştirakçılarını maraqlandıran suallara cavab vermiş və onlara bədii ədəbiyyat oxumağı, çoxlu mütaliə etməyi tövsiyə etmişdir.

Tədbirdə çıxış edənlər belə tədbirlərin davamlı olmasının vacibliyini vurğulamışdır.

Tədbirdə yaradıcı gənclərin hazırladıqları əl işləri, rəsm əsərləri nümayiş olunmuş, istedadlı gənclər müxtəlif mövzularda şeirlər səsləndirmiş, “Qarabağ” rəqs qrupunun və gənc ifaçıların musiqi nömrələri tamaşaçılarda xoş ovqat yaratmışdır.