Müasir müstəqil Azərbaycanın zəfər tarixinə daha bir gün yazıldı. Azərbaycanın dilbər guşələrindən olan Ağdamın 27 illik işğalına noyabrın 20-də son qoyuldu.Bu il sentyabrın 27-də düşmənin əl atdığı növbəti genişmiqyaslı hərbi təxribata cavab olaraq ordumuzun başladığı əks-hücum əməliyyatı uğurla başa çatdı.Cənab Ali Baş Komandanın rəhbərliyi ilə müzəffər Azərbaycan Ordusunun 44 günlük Vətən müharibəsi dövründə düşmənə vurduğu sarsıdıcı zərbələr sonda işğalçı Ermənistanın kapitulyasiyası ilə nəticələndi.Beləliklə, artıq şanlı ordumuzun ayaq səsləri işğaldan azad olunmuş Ağdamda da eşidilir. Üçrənğlı bayrağımız Ağdamda da dalğalanır