Füzuli şəhər 2 nömrəli Uşaq İncəsənət Məktəbi 1985-ci ildə Füzuli şəhərində yaranmış və fəaliyyətə başlamışdır. Məlum Qarabağ hadisələri ilə əlaqədar məktəbin fəaliyyəti 1993-cü ildən Bakı şəhərində davam etdirilir. 2017-ci ildən etibarən məktəb Kürdəmir Regional Mədəniyyət İdarəsinin tabeliyində fəaliyyət göstərir və hal-hazırda Təhsil Nazirliyi 18 №-li Bakı Peşə Liseyinin zirzəmi sahəsində yerləşir.
Məktəbdə 8 ixtisas üzrə tədris aparılır: fortepiano, tar, kamança, qarmon, nağara, xanəndəlik, xoreoqrafiya, rəssamlıq.
Məktəb fəaliyyəti dövründə bir çox respublika və beynəlxalq müsabiqələrdə çıxış edərək müəyyən nailiyyətlər əldə etmişdir.